Բլոգեր Ալեքսանդր Լապշինը հերթական գրառումն է արել ֆեյսբուքյան իր էջում արցախա-ադրբեջանական հակամարտության մասին: Նա անդրադարձել է Ադրբեջանի վիրավորների ծանր վիճակին և անտեսված լինելուն:
«Ադրբեջանից մի մարդ ինձ սարսափելի բաներ է գրել: Նա իմ՝ ճանապարհորդության մասին բլոգը վաղուց գիտեր, դեռ 2000-ականների սկզբներից: Հասկանալի պատճառներով ես չեմ գրում, թե ով է նա և որտեղ է: Ես միայն կասեմ, որ նա բժիշկ է, նա փրկում է վիրավոր ադրբեջանցի զինվորների կյանքերը։ 11 օրում աազմաճակատից բերված զինվորների թիվը հսկայական է, բայց դա բոլոր վիրավորների շատ փոքր մասն է: Նա գրել է, որ շատ վիրավոր զինվորներ ասում են, թե իշխանությունները թույլ չեն տալիս իրենց հարյուրավոր տղաներին դուրս հանել ռազմի դաշտից, նրանք սարսափելի տանջանքների մեջ ժամեր և նույնիսկ օրեր շարունակ պառկած են կրակի տակ: Սա, բացի ադրբեջանցի զինվորների ավելի քան 2000 դիակներից, որոնց ոչ ոք չի դուրս բերում ռազմի դաշտից, քանի որ Բաքուն հրաժարվել է համագործակցել Կարմիր խաչի հետ: Երիտասարդ տղաների պատառոտված և մաս-մաս եղած մարմինները ցրված են հարավում գտնվող Ջաբրաիլից մինչև հյուսիս՝ Թալիշի մոտ: Եվս մի քանի օր, և նրանցից շատերին դժվար կլինի նույնականացնել` մարմինները փտելու պատճառով:
Եթե վիրավորվել եք ձեր դիրքերում, օրինակ ՝ հրետանային ռմբակոծությունից, ապա ձեզ բախտավոր համարեք: Դուք կփրկվեք, պատերազմն ավարտված է ձեզ համար, նույնիսկ եթե կորցրել եք ձեռքը կամ ոտքը: Գլխավորը՝ կենդանի եք: Բայց եթե ադրբեջանցի զինվորը հայտնվի կրակի շարքում կամ հետախուզական խմբում կամ հատուկ նշանակության ջոկատում գտնվելու անխոհեմություն ունենա և վիրավորվի իր դիրքերից հեռու, նրան ցավալի մահ է սպասվում: Ոչ ոք նրան չի օգնի: Եվ նրանք կհրաժարվեն իրենցից, ինչու պետք է կրակի տակից հանեն վիրավոր ընկերոջը, փոխարենը իրենք կփրկվեն: Վիրավորները ցավից գոռում են ՝ օգնություն խնդրելով: Բայց նրանց ոչ ոք չի օգնում:
Նրանք վաղուց լքված և մոռացված են, և հայերը չեն ձգտում գերի վերցնել, առավել ևս վտանգելով իրենց կյանքը: Այսպիսով, հարյուրավոր ադրբեջանցի զինվորներ մահանում են տառապանքների մեջ, երբ նրանց է հասնում թշնամու գնդակը, կամ արկի բեկորը:
Չնայած Կարմիր խաչի կոչերին ՝ Ադրբեջանի իշխանությունները դեռ չեն համաձայնել որևէ, թեկուզ ժամանակավոր հրադադարի ՝ զոհվածների մարմինները դուրս բերելու և վիրավորներին փրկելու համար:
Միգուցե ինչ-որ մեկն ինձ ասի. «Ադրբեջանցիներին խղճալու բան չկա, նրանք իրենք են ագրեսորներ»։ Ես համաձայն չեմ: Այս բոլոր մարդիկ զինվորներ են: Նրանք հրաման են կատարում, և Ալիևը հանցագործություն է կատարում ՝ թույլ չտալով արժանապատիվ թաղել զոհվածներին կամ փրկել նրանց, ովքեր դեռ ողջ են»,- գրել Լապշինը:
