Ռուսաստանի Դաշնության Առողջապահության նախարարարության գլխավոր վարակաբան Վլադիմիր Չուլանովը երկրում կորոնավիրուսի երկրորդ ալիք չի կանխատեսում : Հավանաբար, աշնանը դեպքերի միայն մի փոքր աճ տեղի կունենա,- ՏԱՍՍ գործակալությանը հայտնել է մասնագետը:
«Մենք սպասում ենք , որ սա կլինի ոչ թե երկրորդ ալիքը, այլ դեպքերի ցուցանիշի փոքր աճ: Երկրորդ ալիքի մասին պետք է խոսել այն ժամանակ, երբ առաջին ալիքը լիովին ավարտվի, մենք այդ առաջին ալիքից հետո դեռ տեսնում ենք դեպքերի միայն նվազում », – պարզաբանել է գլխավոր վարակաբանը:
Ըստ նրա ՝ ճիշտ կլինի խոսել դեպքերի թվի որոշակի աճի մասին ՝ սեզոնայնությամբ պայմանավորված:Եվ մասնագետը կանխատեսում է Ռուսաստանում վարակակիրների թվի աճ սեպտեմբեր-հոկտեմբեր ամիսներին:
Հիշեցնենք, հինգշաբթի օրը ՌԴ Առողջապահության նախարար Միխայիլ Մուրաշկոն,խոսելով վիրուսի երկրորդ ալիքի հավանականության մասին , ասել էր, որ համաճարակային իրավիճակը կախված կլինի յուրաքանչյուր անհատի հակահամաճարակային կանոնների պահպանումից:
