Գավառի պետական համալսարանը, COVID-19-ով պայմանավորված, անցել է առցանց ուսուցման։ Այդ մասին հայտարարությունը տեղադրվել է Գավառի պետական համալսարանի ֆեյսբուքյան էջում:
«Գավառի պետական համալսարանի սիրելի՛ ուսանողներ, հարգելի՛ դասախոսներ, տեղեկացնում ենք, որ հիմք ընդունելով ՀՀ Կառավարության 2020 թվականի սեպտեմբերի 11-ի թիվ 1514-Ն որոշումը՝ կորոնավիրուսային հիվանդությամբ (COVID-19) պայմանավորված կարանտին սահմանելու մասին և կարևորելով բոլոր համալսարանականների, ինչպես նաև նրանց ընտանիքների անդամների առողջության պահպանման, սանիտարահամաճարակային անվտանգության ապահովման անհրաժեշտությունը, ԳՊՀ առկա ուսուցման բոլոր ֆակուլտետների
— բակալավրիատի 1-ին կուրսերում ուսումնական գործընթացը ս․ թ․ սեպտեմբերի 16-ից մեկ ամսով կշարունակվի առցանց, հեռավար ձևաչափով,
— բակալավրիատի երկրորդ, երրորդ և չորրորդ կուրսերում ուսումնական գործընթացը կմեկնարկի 2020թ. սեպտեմբերի 15-ից, իսկ մագիստրատուրայում՝ սեպտեմբերի 16-ից, առցանց, հեռավար ձևաչափով»,-նշված է հայտարարության տեքստում:
ՀԱՅՏԱՐԱՐՈՒԹՅՈՒՆԳավառի պետական համալսարանի սիրելի՛ ուսանողներ, հարգելի՛ դասախոսներ, տեղեկացնում ենք, որ հիմք ընդունելով…
Posted by Gavar State University (Գավառի Պետական Համալսարան) on Monday, September 14, 2020
