Մարսողության խանգարումն ու աղեստամոքսային տրակտի հետ կապված խնդիրները կարող են լուրջ խնդիր դառնալ յուրաքանչյուրի համար՝ դրսևորվելով բավական տհաճ ախտանշաններով։ Նման խնդիրները կարող են պայմանավորված լինել տարբեր պատճառներով, սակայն անկախ դրա առաջացման պատճառից հարկավոր է անհապաղ միջոցներ ձեռնարկել տհաճ զգացողություններից ազատվելու և մարսողությունը վերականգնելու համար։
Կոճապղպեղ
Խնձորի քացախ
Խնձորի քացախը մագնեզիումի, ֆոսֆորի, կալիումի, կալցիումի և մարսողության համար անհրաժեշտ մի շարք այլ հանքանյութերի հարուստ աղբյուր է։ Դարեր շարունակ մարդիկ կիրառել են քացախը մարսողության խանգարումից ու փորափքանքից ազատվելու համար։ Այն խթանում է ստամոքսահյութի ակտիվությունն ու օգնում է պայքարել փորկապության դեմ։ Իր թթվայնության շնորհիվ այն օգնում է տարրալուծել ճարպերն ու կանխել ստամոքսի այրոցն ու թթվային ռեֆլյուքսը։ Բացի այդ, այն օգնում է բարձրացնել ստամոքսում թթուների մակարդակը ցածր թթվայնության դեպքում։ Պարզապես հարկավոր է մի փոքր քացախը լուծել գոլ ջրում և խմել ուտելուց առաջ։
Երիցուկի թեյ
Երիցուկը դարեր շարունակ կիրառվել է առողջական ամենատարբեր խնդիրների, այդ թվում՝մարսողության խանգարման, քնի խանգարումների ու անհանգստության դեմ պայքարի համար։ Այս մթերքը մեղմում է տհաճ զգացողություններն ու բուժում է մարսելախանգարումը։ Այն նաև շատ արդյունավետ միջոց է գրգռված աղու համախտանիշի դեմ պայքարի համար։ Իր հակաբորբոքային հատկությունների շնորհիվ այն շատ արագ մեղմում է ստամոքսի ցավը։ Պարզապես հարկավոր է երիցուկի ծաղիկներին ավելացնել եռման ջուր, մի քանի րոպե թրմել, այնուհետև քամել ու խմել։ Ցանկության դեպքում կարելի է քաղցրացնել ըմպելիքը մեղրով կամ շաքարով։
Կերակրի սոդա
Կերակրի սոդան ամենահասանելի ու արդյունավետ միջոցներից է աղիների առողջության համար։ Պարզապես հարկավոր է մեկ թեյի գդալ կերակրի սոդան լուծել մի բաժակ ջրում ու խմել ամեն առավոտ։ Սա կօգնի պահպանել մարսողության համար անհրաժեշտ առողջ pH բալանսը, կչեզոքացնի ստամոքսի բարձր թթվայնությունը, կազատի մարսողության խանգարումից, փորափքանքից ու գազերի կուտակումից։
Նյութի աղբյուրը՝ The Health Site
