Երևանի գլխավոր ճարտարապետի պաշտոնը հնարավոր է` առաջիկայում չլինի։ Տեղեկությունը Երևանի քաղաքապետարանի լրատվական ծառայության հրապարակած տեսանյութում հայտնել է Երևանի քաղաքապետ Հայկ Մարությանը՝ պատասխանելով հարցին, թե ով է Երևանի գլխավոր ճարտարապետի իր նախընտրելի թեկնածուն:
«Ես կարող է մի փոքր սենսացիոն բան ասեմ։ Ընդհանրապես մտածում եմ, որ այդ պաշտոնը՝ Երևանի գլխավոր ճարտարապետ, պետք է որոշակի մոդիֆիկացիայի և փոփոխությունների ենթարկվի: Դա կարող է այլևս չլինի գլխավոր ճարտարապետ, կարող է մի մարմին լինի, մի խորհուրդ լինի»,- հայտնել է Մարությանը:
Նա նաև տեղեկացրել է, որ քաղաքապետարանում այդ ուղղությամբ արդեն իսկ աշխատանքներ են տարվում:
