ՀՀ ԿԳՄՍՆ նախարար Արայիկ Հարությունյանի գնահատականներով՝ դպրոցներում սահմանված կանոնները շատ խիստ պետք է պահպանենք, որպեսզի համավարակի տարածումից ու սրացումից խուսափենք։
« Մենք շատ խիստ պետք է կանոնները պահենք: Դպրոցների վերաբացման հետ կապված կան մտահոգություններ, բայց վստահ ենք, որ կանոնները պահելու դեպքում մենք կգրանցենք համավարակի տեմպերի անկում: 50 տոկոսով փոփոխություններ են եղել կրթության ոլորտում և հիմա համակերպվել է պետք»,-ասել է նա:
Իսկ ՀՀ առողջապահության նախարարի տեղակալ Անահիտ Ավանեսյանը նշել է, թե այժմ համատարած թեստավորումներ են անում ուսուցիչների շրջանում և դրանով է պայմանավորված թեստավորումների թվի աճը:
Վարչապետ Նիկոլ Փաշինյանն էլ նշել է, թե դպրոցները բացելու պարագայում, մենք չպետք է մտածենք դրանք կրկին փակելու մասին։
«Մենք ուզում ենք դպրոցները բացել ու չփակել։ Էքսպերիմենտներ հո չե՞նք անելու, պետք է բացենք ու կրկին փակելը բացառենք, բացել-փակելո՞վ հո չի»։
Փաշինյանն անդրադառնալով սահմանափակումներին ու անվտանգության կանոնների խստացումներին ասել է․
« Խնդրել, աղաչել ու պաղատելով չի ստացվում, բայց երբ չի ստացվում, պետք է վարչական խստություն կիրառվի։ Ի՞նչ է նշանակում, երբ ոստիկանն ասում է քաղաքացում, պետք է դիմակ կրես, քաղաքացին վիրավորում է ոստիկանին։ Էս խմորը դեռ շատ ջուր է տանելու, կապրենք՝ կտեսնենք, դեռ նոր նոր խոսվում է համավարակի երկրորդ ալիքի մասին։ Երբ բոլորս կարձանագրենք, որ կորոնավիրուսը ամբողջ աշխարհում հաղթահարված է, այն ժամանակ կհամարենք, որ մենք էլ ենք հաղթահարել։
Մանրամասները՝ տեսանյութում
Ս․ Ասատրյան