Տավուշի մարզի Խաշթառակ համայնքում թոռներին ծեծելու դեպքի առթիվ կալանավորված 57-ամյա տղամարդը տեղափոխվել է «Արմենիա» հանրապետական բժշկական կենտրոն։ Այս մասին MedMedia.am-ի հետ զրույցում ասաց բժշկական կենտրոնի թունաբան Միքայել Գաբրիելյանը։
«Նա մեզ մոտ է տեղափոխվել օգոստոսի 30-ին՝ թունավորմամբ։ Տղամարդու վիճակը ծանր է, գիտակցությունը տեղն է»,-հայտնեց Գաբրիելյանը՝ հավելելով, որ այս պահին այդքանն է հայտնի։
Հիշեցնենք, որ Խաշթառակ համայնքում գրանցված դեպքը մեծ արձագանք ստացավ օգոստոսի 19-ին։ Հայտնի դարձավ, որ պապը ձեռքի փայտով հարվածել է 6 և 4-ամյա թոռներին, որոնք տեղափոխվել էին հիվանդանոց, ավելի ուշ երեխաներից մեկը մահացավ։
Դեպքի առթիվ հարուցվել է քրգործ, երեխաների պապիկը ձերբակալվել է։
Լուսինե Մարդոյան
