Անդրադառնալով դպրոցների վերաբացման ռիսկային կողմին ԵՊԲՀ դասախոս, հանրային առողջության մասնագետ Դավիթ Մելիք-Նուբարյանը նշեց, որ կան մի քանի կարևոր գործոններ.«Նախ պաշտպանել երեխաների առողջությունը, պաշտպանել դպրոցում աշխատող մարդկանց առողջությունը և այնպես անել, որ դպրոցների բացումը չնպաստի վիրուսի տարածմանը: Այսօր հայտնի տվյալները ավելի շատ խոսում են, որ այդ երեք պրոցեսները կարելի է անել շատ ցածր ռիսկայինությամբ»:
Նրա խոսքով՝ կա այլ նրբություն, եթե երկրում համավարակի վիճակը այդքան էլ բարենպաստ չլինի, ապա դա կարող է ազդել դպրոցի վրա:
«Այս պահի դրությամբ հավաստի ապացույցներ չկան, որ երեխայից երեխա դպրոցում կա վիրուսի տարածում, չկա նաև հավաստի ապացույց, որ երեխայից վիրուսը փոխանցվում է մեծահասակներին: Շատ քիչ ապացույց կա, որ մեծից երեխա կա տարածում: Եվ նաև քիչ ապացույց կա, որ դպրոցների բացումը նպաստում է համաճարակային վիճակի վատթարացմանը»,-ասաց նա: