Նոր կորոնավիրուսային վարակի (COVID-19) դեմ պայքարի շրջանակներում, Կարմիր խաչի միջազգային կոմիտեն 45մ² մակերեսով 4 վրան նվիրաբերել է առողջապահության նախարարությանը: Այդ մասին տեղեկացնում են Արցախի տեղեկատվական շտաբից՝ նշելով, որ նմանօրինակ վրանների հերթական խմբաքանակ ստացել է նաև արտակարգ իրավիճակների պետական ծառայությունը:
Վրանները դաշտային պայմաններում կարող են օգտագործվել որպես հոսպիտալ, բուժկետ, կացարան, աշխատանքային սենյակ, խոհանոց, կամ այլ անհրաժեշտ նպատակների համար:
Նշվում է նաև, որ ԿԽՄԿ առաքելությունը COVID-19-ի վարակի տարածումը կանխելու ուղղությամբ Արցախում իրականացրել և իրականացնում է բազմաբնույթ ծրագրեր: