BBC HARDtalk հաղորդման ընթացքում վարչապետ Նիկոլ Փաշինյանը անդրադարձել է Հայաստանում տիրող կորոնավիրուսային իրավիճակին և համաճարակի ընթացքում Հայաստանի իրականացրած քաղաքականությանը: Ամեն դեպքում Հայաստանի ղեկավարը չի շտապում գնահատականներ տալ կորոնավիրուսի հաղթահարման գործընթացում Հայաստանի կառավարության իրականացրած և իրականացվող գործողություններին:
Նրա կարծիքով՝ եզրակացություն կազմելը դեռ վաղ է, քանի որ, ցավոք, համավարակը զարգանում է ամբողջ աշխարհում:
«Մենք որդեգրել ենք մեր երկրում համաճարակի դեմ պայքարի ռազմավարություն: Եվ այդ ռազմավարությունը համապատասխանում է մեր երկրի պայմաններին: Եկեք չշտապենք և եզրակացություններ անենք միայն համավարակը հաղթահարելուց հետո»,- ասել է Փաշինյանը:
Վարչապետը հայտարարել է նաև, որ Հայաստանը համավարակի հաղթահարման գործընթացում է:
