ՀՀ փոխվարչապետ, պարետ Տիգրան Ավինյանն այսօր՝ օգոստոսի 12-ին, Ազգային ժողովում արտակարգ դրության երկարաձգման հարցով հրավիրված արտակարգ նիստում, ներկայացնելով սահմանված մեղմացումները՝ հայտնեց, որ օգոստոսի 12-ից սկսած` անձնական ավտոմեքենաներում դիմակ դնելու պահանջը վերացվելու է։ Այդ պահանջը պահպանվելու է հանրային տրանսպորտում ու տաքսիներում։
«Հանվելու է նաև հանրային վայրերում դիմակ դնելու կանոնը, օրինակ` բնության գրկում, անտառներում»,- նշեց Ավինյանը։
Պարետը նաև հայտնեց, որ կառավարությունն առաջիկայում վերանայելու է նաև հանրային սննդի օբյեկտներում մեկ սեղանի շուրջ նստելու համար սահմանված անձանց առավելագույն թիվը։ Ըստ Ավինյանի՝ որոշումը, առաջիկայում կհրապարակվի։