Այսօր, օգոստոսի 12-ին Կառավարության արտահերթ նիստի ժամանակ առողջապահության նախարար Արսեն Թորոսյանը անդրադարձավ արտակարգ դրության երկարաձգմանը։ Նա նշել է, որ շաբաթվա կտրվածքով 50-ից 100 դեպքով վարակվածության թվերի նվազում ունենք։
« Այսօր ունենք թվերի նվազեցման ռեալ հնարավորություն։ Հիվանդանոցներում ևս թեթևացում է նկատվում։ Ծանր և ծայրահեղ ծանր հիվանդների թվի իջեցում ունենք։ Կորոնավիրուսի հաղթահարման փուլը շարունակվում է։ Սահմանված սահմանափակումներն ու հակահամաճարակային կանոնների պահպանումը նպատակին ծառայեց։ Ամեն դեպքում 0 թվի նպատակ դեռ չպետք է դնենք, առաջիկայում պետք է բավարարվենք 100 կամ 50 նոր դեպքեր գրանցելով»,-նշել է Թորոսյանը։
Մանրամասները՝ տեսանյութում
Սյուզի Ասատրյան