Գաղտնիք չէ, որ մեր հասարակության մեջ ոչ բոլորն են հասկանում պարտադիր առողջության ապահովագրության դրական ազդեցությունը, և շատերը հրաժարվելու են դրանից՝ 6000-7000դրամ կամ 30,000-40,000 դրամ (կախված աշխատավարձից) տնտեսելու համար։ Շատերը գերադասելու են ստվերում աշխատել։ Դա և՛ գործատուին է ձեռնտու՝ հարկ չի տա, և՛ աշխատողին՝ իր աշխատած գումարն իրեն է վերցնում։
Այս մասին YerevanToday-ի հետ զրույցում, առողջապահության կազմակերպիչ, բժիշկ-ուրոլոգ Գևորգ Գրիգորյանը անդրադառնալով առողջության ապահովագրության նախագծին՝ ասաց, որ վերջին մեկ ու կես տարվա ընթացքում շատ առողջապահական խնդիրների մասին է բարձրաձայնել։ Լրագրողի այն հարցին թե՝արդյո՞ք այդ կարևոր բացթողումները Արսեն Թորոսյանը չի նկատում․ Գրիգոորյանն ասաց, որ չի պատրաստվում մեկնաբանություն տալ։
Հարցազրույցի ժամանակ Գևորգ Գրիգորյանը խոսեց 6% ապահովագրական հարկի մասին։ Հիշեց նախորդ իշանության գործունեության ժամանակ ունեցած 85 միլիարդ դրամ բյուջեն, որի 60 և ավելի միլիարդը՝ «առյուծի բաժինը», տրամադրվում էր բժշկական ծառայության ձեռքբերմանը։
Անդրադառնալով այս տարվա բյուջեյի աննախադեպ բարձրացմանն ու ծառայությունների ավելացմանը, առողջապահության կազմակերպիչը փորձեց հասկանալ « եթե ներդրվի այդ 6%-ի հարկը, ապա ո՞ւր են կորչելու այդ միլիարդները»։
Նրա մեկնաբանությամբ նախագծում առկա են մեծ կոռուպցիոն ռիսկեր։
Հեղինակ՝ Հասմիկ Չոբանյան
