Աժ տնտեսական հարցերի մշտական հանձնաժողովի 27-րդ արտահերթ նիստում քննարկվում է ծխախոտային արտադրատեսակների և դրանց փոխարինիչների օգտագործման հետևանքներով առողջությանը հասցվող վնասի նվազեցման և կանխարգելման մասին օրենքում փոփոխությունների փաթեթը:
«Ակնհայտ է, որ բիզնես շահերը միշտ բախման մեջ են լինելու առողջապահության հետ: Խոշոր բիզնեսի շահերի պաշտպանությունը չպետք է լինի քաղաքացիների առողջության հաշվին»,- նկատեց ԱԺ «Իմ քայլը» խմբակցության ղեկվար Լիլիթ Մակունցը:
Պատգամավորները քննարկել են սուպերմարկետների ցուցադրություններից ծխախոտները հանելու և նարգիլե ակումբների գործունեությունը սահմանափակելու հարցերը:
«Կարող ենք էնքան բարձր հարկեր սահմանել նարգիլե ակումբների վրա, որ ձեռնտու չլինի բացելը, կամ եթե մարդը նարգիլե է ծխում, պիտի դա փողոցից չերևա»- ասել է Հայկ Գևորգյանը: