«Ազգային անվտանգություն» կուսակցության նախագահ Գառնիկ Իսագուլյանը Medmedia.am-ի այն հարցին, թե ինչպե՞ս է գնահատում կորոնավիրուսի համավարակի դեմ տարվող պայքարը, նշել է, որ ինքը պայքար չի տեսնում այս հարցում․
« Համավարակի դեմ պայքար որտե՞ղ եք տեսել։ Այս ամենը սկսվեց սահմանադրական փոփոխությունների ֆոնի վրա, որովհետև այդ պահին համավարակը օգնող միջոց էր։ Կամ այս դիմակահանդեսը, ի՞նչ է սա, ամբողջ աշխարհում այլևս դիմակներ չեն կրում, բայց մեր ժողովուրդը խեղդվում է»։
Իսագուլյանը անդրադարձավ նաև պատվաստումներին, նշելով, որ մեր ժողովուրդը պատվաստանյութերի փորձարկման միջոց է դառնալու։
« Արսեն Թորոսյանը բաց տեքստով է խոսում, ասում է, որ մարդկանց վրա փորձարկումներ են արվելու, բերելու են պատվաստանյութերի խմբաքանակ ու առաջին փորձարկումներն էլ անելու են մեր քաղաքացիների վրա»,-նշեց նա ու ասաց, թե աշխարհում դարձել ենք առաջատար, այնինչ, ճիշտ ռազմավարության պարագայում կարող էինք վարակակիրներ չունենալ։
«Կորոնավիրուսի բոլոր զոհերը իշխանության ներկայացուցիչների վզին են մնալու»,-նշել է նա»։
Մանրամասները՝ տեսանյութում
Սյուզի Ասատրյան
