Ճապոնիայում կորոնավիրուսով վարակումների ընդհանուր թիվն անցել է 31.3 հազարը: Այս մասին հայտնում է РИА Новости-ն:
Նշվում է, որ երկրում վերջին 24 ժամում գրանցվել է կորոնավիրուսով վարակման 825 դեպք, իսկ ներկայացված ընդհանուր թվի մեջ ներառված է նաև Diamond Princess քրուիզային նավում հայտնաբերված 712 դեպքը: Նավը ճապոնական Յոկոհամայում մեկուսացման մեջ էր եղել փետրվարին:
NHK հեռուստաալիքի տվյալներով՝ վերջին 1 օրում վարակումների ամենամեծ ցուցանիշը գրացվել է Տոկիոյում՝ 239, և Օսակայում՝ 141:
Համավարակի սկզբից ի վեր մահացել է 1011 մարդ: Եվս 66 մարդու վիճակ գնահատվում է ծանր: Ապաքինվել է 22 421 մարդ:
