ԱՄՆ նախագահ Դոնալդ Թրամփը հայտարարել է, որ կորոնավիրուսային պանդեմիայի սկսվելուց ի վեր երկրում անցկացվել է ավելի քան 55 մլն թեստավորում։
«Մենք իրականացնում ենք զգալի շատ թեստեր՝ ավելի քան 55 մլն, քան աշխարհի ցանկացած այլ երկիր»,-իր թվիթերյան էջում գրել է Թրամփը։
Նա հավելել է, որ CNN հեռուստաալիքը պահանջում է թեստավորումների թվի ավելացում, սակայն «նրանց չի բավականացնի նույնիսկ թեստավորումների թվի 100 անգամ ավելացումը»։
Ըստ Worldometer-ի տվյալների՝ ԱՄՆ-ում մինչ օրս կորոնավիրուսով է վարակվել ավելի քան 4,3 մլն մարդ, մահացել՝ մոտ 150 հազարը։