«Pfizer» դեղագործական ընկերությունը կստանա մոտ 2 միլիարդ դոլար՝ կորոնավիրուսի դեմ պատվաստանյութ արտադրելու համար: Այս մասին գրում է Fox News-ը՝ հղում անելով ԱՄՆ կառավարության հայտարարությանը:
ԱՄՆ նախագահ Դոնալդ Թրամփի վարչակազմն ընկերությանը կվճարի 1,95 միլիարդ դոլար՝ BNT162 պատվաստման ծրագրից 100 միլիոն չափաբաժին պատրաստելու և բաշխելու համար, եթե այն հաստատվի ԱՄՆ սննդամթերքի և դեղամիջոցների վարչության կողմից։
Համաձայնագիրը նաև թույլ է տալիս ԱՄՆ կառավարությանը գնել պատվաստանյութի լրացուցիչ 500 միլիոն չափաբաժին, ասվում է նախարարության հայտարարության մեջ:
