ԱԺ-ում ներկայացվեց Կառավարության ներկայացրած «Դեղերի մասին» օրենքում լրացումներ և փոփոխություններ կատարելու մասին օրենքի նախագիծն առաջին ընթերցմամբ ընդունելու հարցը:
Ի՞նչ կտա այդ փոփոխությունը՝ ՀՀ առողջապահության նախարարի տեղակալ Անահիտ Ավանեսյանը պատասխանեց.
«Կարևոր դրույթ ունենք՝ լիցենզավորման պահանջի ժամկետի փոփոխության: Եվ նախագծի ընդունումը թույլ կտա լիցենզավորման և հավաստագրի տրամադրման գործընթացն անցնել անցնցում»:
Բացի այդ, ԱՆ-ն հանրային առողջապական խնդիրներ լուծելու, իր քաղաքականությունը մշակելու ընթացքում հնարավորություն կստանա ճիշտ տեղեկատվություն տրամադրել պացիենտին:
Դիտարկմանը, թե կարելի՞ է դեղը գովազդել և անունը դնել տեղեկատվության փոխանցում՝ փոխնախարարը պատասխանեց, որ դեղամիջոցները կարելի է գովազդել, սահմանված ընթացակարգ կա:
«Կան նաև սահմանափակումներ՝ դեղատոմսով դուրս գրվող դեղերի մասով, որով պայմանավորված էլ փոփոխությունը նախաձեռնել ենք: Կարգավորումը հստակ սահմանում է, թե ինչ խումբ դեղորայքի մասով և ինչ նպատակով է իրականացվում իրազեկումը: Փոփոխությամբ ԱՆ-ն իր քաղաքականությունն իրականացնելու ընթացքում ավելի ճիշտ տեղեկատվություն տրամադրելու հնարավորություն կստանա։ Այսօրվա կարգավորմամբ՝ լիազոր մարմինը չի կարողանում ճիշտ և ամբողջական տեղեկատվություն փոխանցել, փարատել պացիենտի կասկածները»,- ասաց նա:
