Բելգիայում կորոնավիրուսի համաճարակի բռնկումից ի վեր առաջին անգամ հուլիսի 14-ին մահվան զրոյական ցուցանիշ է արձանագրվել, գրում է Daily Mail-ը։
Բելգիան, որն ամիսներ առաջ կորոնավիրուսի մահվան դեպքերի թվով աշխարհում առաջատար պետություններից էր, հայտնել է, որ երկրում մարտի 10-ից ի վեր առաջին անգամ 24 ժամվա ընթացքում մահվան որևէ նոր դեպք չի արձանագրվել։
Ինչպես շատ եվրոպական երկրներում, Բելգիան կորոնավիրուսի դեմ պայքարի թեժ շրջանում էր գտնվում մարտ և ապրիլ ամիսներին, սակայն խիստ սահմանափակումների շնորհիվ երկիրը կարողացավ կայունացնել համաճարակաբանական իրավիճակը։
Զոհերի ամենօրյա թվի հակառեկորդն արձանագրվել է ապրիլի 12-ին՝ 24 ժամում մահվան 343 դեպք։
Վերջին տվյալներով՝ երկրում ընդհանուր առմամբ արձանագրվել է հիվանդության 62 781 դեպք, 9787-ը՝ մահվան ելքով։
