Իրանում կորոնավիրուսով վարակման դեպքերի թիվը հասել է 245 688-ի, մահվան ելքով դեպքերինը` 11 931-ի, վարակվածներից 207 000 մարդ առողջացել է: Այս մասին տեղեկացնում է irna.ir կայքը` հղում տալով Իրանի առողջապահության նախարարության մամուլի քարտուղար Սիմա Սադատ Լարիին:
«Վերջին օրվա ընթացքում գրանցվել է կորոնավիրուսով վարակման 2637 նոր դեպք: Վարակվածների ընդհանուր թիվը հասել է 245 688-ի»,-տեղեկացրել է Լարին:
Մամուլի քարտուղարը տեղեկացրել է նաև, որ վերջին օրվա ընթացքում Իրանում կորոնավիրուսի հետևանքով ռեկորդային թվով՝ 200 մարդ է մահացել:
Նոր տեսակի կորոնավիրուսով վարակվածների թիվն ամբողջ աշխարհում 11 772 304 է, մահացել է 541 521 մարդ: Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին: Վիրուսը տարածվել է 213 երկրում:
