Շվեդիայի կառավարությունը ընդդիմության խնդրանքով հանձնաժողով է ստեղծել, որը հետաքննելու է Ստոկհոլմի հակասական մոտեցումը`կորոնավիրուսային համավարակի դեմ պայքարի հարցում:
Ինչպես գրում է Bloomberg-ը, հանձնաժողովը կգնահատի կառավարության, ինչպես նաև տարածաշրջանային իշխանությունների կատարած միջոցառումները՝ COVID-19-ի տարածման դեմ պայքարելու համար և համեմատելու է այլ երկրներում ձեռնարկված միջոցառումների հետ: Հանձնաժողովը ղեկավարում է Գերագույն վարչական դատարանի նախկին նախագահ Մաթս Մելինը:
Նշվում է, որ վերջնական զեկույցը պետք է ներկայացվի 2022-ի փետրվարին, իսկ մինչ այդ դրանք կհրապարակվեն նախնական զեկույցի համար, որոնցից առաջինը պետք է հայտնվի մինչև այս տարվա նոյեմբերի 30-ը:
Շվեդիան այն երկրներից է, որը հրաժարվեց համավարակի պատճառով խիստ միջոցառումներ կիրառել, մտցնելով միայն 50-ից ավելի մասնակիցներով զանգվածային միջոցառումների անցկացման արգելք: Ստոկհոլմում համարվում էր, որ սոցիալական հեռավորությունը և ձեռքի լվացումը բավարար միջոցներ կլինեն վարակի տարածումը կանխելու համար:
