Այսօր առավոտից մամուլում շրջանառվում է այն լուրը, որ առողջապահության նախարար Արսեն Թորոսյանը որոշել է ոչնչացնել Ֆանարջյանի անվան ուռուցքաբանության ինստիտուտը։ Ըստ մամուլի բոլոր դեպքերում նախարարի գործողությունները տվյալ բուժհաստատության դեմ վկայում են այդ մտադրության մասին:
Medmedia.am-ը կապ հաստատեց Ֆանարջյանի անվան ուռուցքաբանության ինստիտուտի տնօրեն Նարեկ Մանուկյանի հետ՝ հասկանալու համար, թե ի՞նչն է հետևյալ լուրերի պատճառը։ Ըստ Ն․ Մանուկյանի շրջանառվող լուրերը պարզապես անհեթեթություններ են․
« Այս ամենն այնքան անհեթեթ է, որ իրականում պատասխանելու կարիք էլ չկա։ Եթե ավելի լուրջ հարցեր կլինեն թղթաբանորեն դիմեք մեր մամուլի պատասխանատուին նա կպատասխանի» ։
Հիշեցնենք, որ երբ Արսեն Թորոսյանը փոխեց Ուռուցքաբանության ինստիտուտի տնօրենին մեծ կոնֆլիկտներ տեղի ունեցան ինստիտուտի կոլեկտիվում։ Այդ դեպքերից հետո Ուռուցքաբանության ինստիտուտը լքեցին բազմաթիվ կադրեր։
