ԱՄՆ-ում նոր տիպի կորոնավիրուսային դեպքերի թիվը կարող է հասնել 20 միլիոնի: Այս մասին հայտնում է The Washington Post-ը` հղում անելով ԱՄՆ-ի Հիվանդությունների վերահսկման և կանխարգելման դաշնային կենտրոնի տնօրեն Ռոբերտ Ռեդֆիլդին:
Նա հայտնել է, որ ներկայումս երկրում պաշտոնապես COVID-19 հայտնաբերվել է 2,3 մլն մարդու մոտ, միայն թե իրականում այդ թիվը կարող է 10 անգամ բարձր լինել:
«Մեր հստակ հաշվարկներով` ներկայումս յուրաքանչյուր գրանցված դեպքի բաժին է ընկնում ևս 10 դեպք»,- ասել է Ռեդֆիլդը:
Նրա խոսքերով` այսպիսի գնահատականը հիմնված է հակամարմինների համար արյան անալիզի արդյունքների վրա:
