Կոնգոյի Դեմոկրատական Հանրապետությունում հաղթահարել են մահացու հիվանդությունը, որն առաջացնում է էբոլայի վիրուսը: Այս մասին հաղորդել է Associated Press գործակալությունը:
Նշվում է, որ Առողջապահության համաշխարհային կազմակերպության տվյալներով՝ մահացու տենդի զոհերի թիվը երկու տարում հասել է 2280 մարդու:
ԱՀԿ-ի՝ Աֆրիկայի տարածքային բյուրոն Twitter-ում տարածել է Կոնգոյի առողջապահության նախարարության հաղորդագրությունը էբոլայի վիրուսի հաղթահարման մասին և շնորհավորել երկրի իշխանություններին: «Շնորհավորում ենք ԿԴՀ-ի կառավարությանն ու առողջապահության նախարարությանը, ինչպես նաև երկրի քաղաքացիներին պատմության մեջ ամենաերկար ու մահացու վիրուսի նկատմամբ այս հաղթանակի կապակցությամբ»,- նշել են կազմակերպությունում:
