Առողջապահության համաշխարհային կազմակերպությունից հայտնել են, որ կորոնավիրուսը կրկին տարածում է գտել Եվրոպայում, երբ մի շարք երկրներ սկսել են մեղամացնել սահմանափակումները:
Ինչպես փոխանցում է CNN-ը, ԱՀԿ Եվրոպայի տարածաշրջանի գծով ղեկավար Անրի Կլյուգեն Կոպենհագենում կայացած ասուլիսի ժամանակ հայտարարել է, որ անցյալ շաբաթ «մի քանի ամսվա ընթացքում առաջին անգամ» վարակման նոր դեպքերի աճ է գրանցվել:
Պաշտոնյան հիշեցրել է, որ զգուշացրել էր «վիրուսի վերածնունդի վտանգի» մասին, երբ երկրները մեղմացնում էին մեկուսացման միջոցառումները: Նրա խոսքով՝ 30 եվրոպական երկրում վարակման ընդհանուր դեպքերի աճ է արձնագրվել վերջին երկու շաբաթում:
Կլյուգեն նշել է, որ վիրուսի արագացված փոխանցումը 11 երկրում «հանգեցրել է նշանակալի տարածման, որն անուշադրության մատնվելու դեպքում կրկին կբերի եվրոպական առողջապահական համակարգերի ծանրաբեռնման»:
«Թեև Եվրոպական տարածաշրջանում նվազող ցուցանիշ է արձանագրվում համաշխարհային տվյալների համեմատ, քան տարվա սկզբին էր, տարածաշրջանում օրական մոտ 20 000 վարակման նոր և մահվան 700 նոր դեպքեր են գրանցվում»,- ասել է Կրյուգեն:
