Ազգային ժողովում քննարկվում է կառավարության առաջարկը, որի համաձայն՝ գործադիրը նոր պարտք է վերցնելու՝ կորոնավիրուսի հետևանքով առաջացած տնտեսական և սոցիալական խնդիրները լուծելու համար։ Ֆինանսների նախարարի տեղակալ Արմեն Հայրապետյանը հայտնեց, թե ինչ միջոցներ են դրանք։
Փոխնախարարի խոսքով՝ վարկի մի մասը՝ շուրջ 280 միլիոն դոլարը, անմիջապես հասանելի են դառնալու, և հնարավոր է լինելու ծախսել բյուջեն կատարելու համար։ Եվս մոտ 35 միլիոն դոլար ստացվելու է աշնանը՝ նույն նպատակով։
Նախարարի տեղակալը տեղեկացրեց, որ դիտարկում են ֆինանսավորման նաև այլ տարբերակներ։ Դրանցից մեկը ներքին պարտքն է։
