Վախ․ այն հոգեվիճակ է, որ ծանոթ է բոլորին, ազդում է կյանքի որակի վրա և խանգարում սառը դատել: Իսկ ի՞նչ է վախը, այս և հարակից այլ հարցեր MedMedia.am-ը քննարկել է հոգեբան Աննա Բադալյանի հետ: «Պետք է նկատել, որ վախը հոգեվիճակ է, որը կարող է հետագայում դառնալ հոգեֆիզիոլոգիական դրսևորում, նույնիսկ առողջական խնդիրներ առաջացնել»-ասաց մասնագետն ու ընդգծեց, որ վաղ մանկության տարիքում վախի դրևորումը շատ երևակայական կարող է լինել, ավելի հասուն տարիքում` առարկայական:
Զրուցակցի փաստմամբ՝ բոլոր երեխաները ծնված օրից մինչ տասը տարեկան ունենում են վախի դրսևորումներ, դա բնական հոգեբանկան երևությն է: «Բայց դա չի նշանակում, որ նշյալ վախերը պետք է անտեսվեն, այլապես դրանք կարող են վերափոխվել լուրջ ֆոբիաների»,-ասաց հոգեբանը:
Ինչ վերաբերում է վախի դրսևորումներին, Աննա Բադալյանն ընդգծեց. «Կարող է արտահայտվել խոսքի խանգարմամբ, գիշերային անհանգիստ քնով, երեխաների մոտ նաև գիշերամիզությամբ, նյարդային ու տագնապային վիճակով: Իսկ ահա ուժեղ վախը լուրջ սթրես է. կարող են մազերը ճերմակել, մարդը կարող է վաղաժամ ծերանալ»:
Նման դեպքերում անհատը կանգնում է երկընտրանքի առաջ, ո՞ւմ դիմել: «Այս դեպքում առավել գրագետ է, որ համատեղ աշխատեն հոգեբանն ու բժիշկը: Իսկ եթե վախը խորացած չէ, միայն հոգեբանն էլ կարող է օգնել»,-ասաց նա:
Շարունակելով թեման Ձեզ ենք ներկայացնում հանրահայտ մարդկանց տարօրինակ ֆոբիաներ.
1. Սերգեյ Եսենինը տառապում էր սիֆիլոֆոբիայից՝ սիֆիլիսով վարակվելու վախից:
2. Կոմպոզիտոր Ջակոմո Մեյերբերը, ռուս գրող Նիկոլայ Գոգոլը և Ամերիկայի առաջին նախագահ Ջորջ Վաշինգտոնը վախեցել են կենդանի թաղվելուց (տաֆեֆոբիա):
3. Ալֆրեդ Հիչկոկը տառապում էր օվոֆոբիայով՝ օվալ առարկաների վախով:
4. Հոգեվերլուծության հայրը՝ Զիգմունդ Ֆրեյդը վախենում էր ձարխոտերից (па́поротник): Ֆոբիան կոչվում է պտերիդոֆոբիա:
6. Իոսիֆ Ստալինը վախենում էր թունավորումից (տոկսիկոֆոբիա), որը լրիվ բացատրելի է: Երբեմն նրան կասկածում էին նաեւ քնից վախենալու մեջ (սոմնիֆոբիա):