Ապրիլին Հայաստանում փակվել է 71 հազար 471 աշխատատեղ: Այդ մասին ֆեյսբուքյան ուղիղ եթերի ժամանակ հայտարարել է ՀՀ վարչապետ Նիկոլ Փաշինյանը և հայտնել, որ Հայաստանը պետք է որդեգրի կորոնավիրուսին զուգահեռ ապրելու ռազմավարություն, հակառակ դեպքում՝ Հայաստանը ոչ թե տնտեսական անկում կունենա՝ այլ տնտեսական փլուզում։
Վարչապետը նաև նկատեց, որ երբ մայիսին որոշվեց «լոք դաուն»-ի քաղաքականությունը չշարունակել, 50 հազար 94 աշխատատեղ վերականգնվել է։
«Աշխատատեղերի վերականգնման պրոցեսը շարունակվում է: Սա, թերևս, վերջին շրջանի մեր ունեցած ամենակարևոր լուրն է», — ասել է վարչապետը, ապա նշել, որ սա դեռ չի նշանակում, թե տնտեսական բարդ իրավիճակը հաղթահարված է։
