Հոկտեմբեի 21-ից 25-ը Ուռուցքաբանության ազգային կենտրոնում անվճար լապարոսկոպիկ վիրահատություններ է իրականացրել ամերիկացի վիրաբույժ Ջենարո Դ․ Լաբելան։
Medmedia.am-ի հետ զրույցում ՈՒռուցքաբանության ազգային կենտրոնի Հանրային կապերի բաժնից Անահիտ Սարգսյանը հայտնեց որ մեթոդն ուսուցանելու համար Լաբելան իր հետ լապարոսկոպիկ Setup սարք է բերել, որը կթողնի կենտրոնում` շնորհիվ ամերիկյան «Մեդունի» բարեգործական ընկերության: Ջենարո Լաբելայի այցը Հայաստան նույնպես ընկերությունն է կազմակերպել: Կազմակերպությունը ծրագրում է շարունակել համագործակցությունն Ուռուցքաբանության ազգային կենտրոնի հետ, մասնավորապես` նոր սարքեր ձեռք բերել, և հայ բժիշկներին վերապատրաստման գործուղել ԱՄՆ լավագույն համալսարաններ։
Այցի շրջանակներում իրականացվել է 7 հաստ աղու չարորակ նորագոյացությունների անվճար լապարոսկոպիկ վիրահատություն:
Ամերիկացի մասնագետը խորհուրդ է տալիս Հայաստանի 50 տարեկանն անց բնակիչներին պարտադիր կոլոնոսկոպիա իրականացնել՝ հաստ աղու քաղցկեղը վաղ փուլերում հայտնաբերելու համար։
Հոդված՝ Անահիտ Սարգսյան