Կորոնավիրուսը նոր հիվանդություն է եւ դեռեւս շատ անորոշություններ կան դրա թե տարածման, թե կանխարգելման, թե բուժման հետ: Այս մասին այսօր՝ հունիսի 10-ին, պարետատան նիստից հետո ճեպազրույցի ժամանակ նշեց առողջապահության նախարարի տեղակալ Լենա Նանուշյանը:
«Այս ամիսներին առողջապահության նախարարությունը ոչ միայն կազմակերպել է կանխարգելիչ եւ բուժման աշխատանքները, այլեւ փորձել ենք սովորել հիվանդության մասին: Սովորել ենք մեր բուժաշխատողներից, միջազգային մեր այլ գործընկերներից, մեր փորձագետներից, թե ինչպես կառավարել համաճարակը: Բավականին երկար ճանապարհ անցել ենք եւ դեռ անցնելու ենք: Քաղած դասերի հիման վրա փորձում ենք ընդունել որոշակի մարտավարություններ, ավելի արդյունավետ դարձնել հակազդումը»,-ասաց նա:
