2020 Թվականի համաճարակը COVID 19-ը այցելեց աշխարհի գրեթե բոլոր երկրները։ Ներկայացնում ենք Հայաստանի, Վրաստանի և Ադրբեջանի տվյալները՝ կորոնավիրուսի տարածման սկզբման օրից մինչ այսօր։
Հայաստանում կորոնավիրուսով վարակվածության առաջին դեպքը գրանցվել է փետրվարի 28-ին Իրանից ժամանած քաղաքացու մոտ։ Մարտի 16-ի դրությամբ Հայաստանում սահմանվեց արտակարգ դրություն։ Փակվեցին Հայաստանում առկա բոլոր խանութներն ու արտադրամասերը բացառությամբ մթերային խանութներից և դեղատներից, արգելվեց հանրային տրանսպորտի գործառույթը։ Տանից դուրս գալ թույլատրվում էր միայն խիստ անհրաժեշտության համար, այն էլ տեղաշարժման թերթիկով։ Երևանում և մարզերում մի քանի բուժ հաստատություններ սկսեցին ծառայել միայն համավարակով վարաքված անձանց մեկուսացմամբ։ Դրանք էին՝ «ՆՈՐՔ» ինֆեկցիոն կլինիկական հիվանդանոց, «ՍՈՒՐԲ ԳՐԻԳՈՐ ԼՈՒՍԱՎՈՐԻՉ» ԲԿ, Վնասվածքաբանության և Օրթոպեդիայի Գիտական, Գյումրու ԲԿ, Վանաձորի ԲԿ, Արտաշատի ԲԿ։ Այսօր բաց են գրեթե բոլոր սպասարկաման կետերն ու սրճարանները, մարդիկ ազատ տեղաշարժում են, բայց այս ամենը միայն բժշկական դիմակներով և ձեռնոցներով, քանի որ մինչ օրս Հայաստանում շարունակվում է արտակարգ դրությունը։ Հունիսի 2ի ժամը 11:00-ի դրությամբ Հայաստանում հաստատվել է կորոնավիրուսային հիվանդության ընդհանուր 10009 դեպք, որոնցից 3427-ն` առողջացած, 158-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 6368 պացիենտ: Ընդհանուր առմամբ կատարվել է 59917 թեստավորում:
Կորոնավիրուսի առաջին դեպքը Վրաստանում արձանագրվել է փետրվարի 26-ին։ Վրաստանի կառավարությունն ի սկզբանե սկսեց կիրառել որոշակի սահմանափակումներ: Խնդիրներ եղան Մառնեուլի և Բոլնիսի շրջաններում, որոնք կարանտինային գոտիներ համարվեցին, մուտք ու ելքը փակվեց: Ապրիլի 15-ի երեկոյան ժամը 9-ից տասն օրով արգելվեց ելումուտը երկրի խոշորագույն չորս քաղաքներ` Թբիլիսի, Քութաիսի, Բաթումի և Ռուսթավի։ Վրաստանում հունիսի 2-ի դրությամբ գրանցվել է կորոնավիրուսով վարակման 11 նոր դեպք, ապաքինվել է 19 մարդ: Ընդհանուր առմամբ, փետրվարի 26-ից ի վեր Վրաստանում գրանցվել է կորոնավիրուսով վարակման 794 դեպք, ապաքինվել է 624 մարդ: Մեկուսացման մեջ է 2494 մարդ, ստացիոնալ վերահսկողության տակ՝ 301 մարդ: Վրաստանում կորոնավիրուսից մահացել է 12 մարդ:
Հարևան երկիր Ադրբեջանում կորոնավիրուսի տարածումը սկսվել է 2020 թվականի փետրվարի 28-ին։ Հաջորդ օրը Ադրբեջանը 2 շաբաթով փակում է Իրանի հետ սահմանը։ Մարտի 2-ին, հանրապետության բոլոր ուսումնական հաստատություններում մարտի 3-ից մինչև մարտի 9-ը դադարեցվում են ուսումնական գործընթացները և այլ առնչվող գործողությունները։ Մարտի 19-ին Ադրբեջանում սահմանվում է խիստ ռեժիմ․ արգելվում է բոլոր ավտոմեքենաների մուտքը մայրաքաղաք Բաքու, Սումգայիթ և Ապշերոնի շրջան ։ Հունիսի 2-ի տվյալներով Ադրբեջանում գրանցվել է կորոնավիրուսով վարաքվածների 248 նոր դեպք։ Փետրվարի 28-ից մինչ օրս վարաքվածների թիվը հասել է 5494-ի, առողջացել են 3428 մարդ, մահացել՝ 63 անձ։
Թե որքան է շարունակվելու այս համաճարակն աշխարհում դժվար է ասել, սկայն հետևել հիգիենայի կանոններին, պահպանել արտակարգ դրության սահմանված բոլոր կետերը պարտավոր ենք բոլորս։ Ուստի եկեք պահպանենք սոցիալակն հեռավորությունն ու չդառնաք վարաքի տարածման նոր ալիք։
Հասմիկ Գասպարյան