Ո՞վ չի սիրում ելակ: Այս եղանակին ելակի սառը պաղպաղակը, կոկտեյլն ու հյութն իսկական փրկություն են: Բայց պետք է նաև նկատել, որ բացի համեղ լինելուց, ելակը շատ օգտակար հատկություններ ունի:
Դրանցից մի քանիսը ներկայացնում է Medmedia.am—ը:
- Ելակը պարունակում է մեծ քանակությանբ հակաօքսիդանտներ:
- Այն վիտամին C—ի և կալիումի հիանալի աղբյուր է:
- Ելակը պարունակում է մեծ քանակությամբ երկաթ, յոդ, ֆտոր, պղինձ, մանգան և կալցիում:
- Օգտակար են նույնիսկ ելակի տերևները: Դրանցից պատրաստված թեյը բարձրացնում է իմունիտետը, օգնում է ստամոքսի խանգարումների և անքնության դեպքում:
- Հասուն հատապտուղների հոտը պարունակում է մոտավորապես 50 անուշաբույր նյութեր, որոնք մարդուն տալիս են կենսուրախության և բարձր տրամադրության զգացում:
- Գիտնականների պնդմամբ՝ ելակն ուժեղացնում է ուղեղի աշխատանքն ու բարելավում հիշողությունը:
Որպես ամփոփում, համեղ ու թարմացնեղ կոկտեյլի բաղադրատոմս խմբագրության կողմից՝
500 գր. ելակին ավելացնում ենք 200գր վանիլային պաղպաղակ, 200 գր. կաթ և 2 բանան, այս ամենը հարում ենք բլենդերով ու վայելում սառը, վիտամիններով հարուստ ու ահմեղ ըմբելիքը:
Տաթև Առաքելյան
