Մայիսի 2-ի տվյալների համաձայն, աշխարհում կա կորոնավիուսով հիվանդ 3 401 190 մարդ։ Մահացածների թիվը կազմում է 239 604, ապաքինվածերինը՝ 1 081 639 մարդ։ Համավարակի տարածվածությամբ առաջատարը շարունակում է մնալ Միացյալ Նահանգները։ Այստեղ կորոնավիրուսով հիվանդ է 1 141 452 մարդ։ Երկրորդ տեղում Իսպանիան է՝ 242 988 մարդ հիվանդացության ցուցանիշով, իսկ երրորդում՝ Իտալիան՝ 207 428 մարդ հիվանդացության ցուցանիշով։ Մահացության թվով առաջատարը կրկին Միացյալ Նահանգներն է։ Այստեղ կորոնավիրուսից մահացել է արդեն 65 776 մարդ։ Երկրորդ տեղում Իտալիան է։ Այստեղ էլ մահացել է 28 236 մարդ։ Եռյակը եզրափակում է Իսպանիան՝ 24 824 մարդ մահացության ցուցանիշով։ Կորոնավիրուսի տարածվածությամբ տասնյակում են Թուրքիան՝ 122 392 ցուցանիշով գրավելով 7-րդ տեղը, Ռուսաստանը՝ 114 431 ցուցանիշով 8-րդ տեղում է եւ Իրանը՝ 95 646 ցուցանիշով 9-րդ տեղում է։ Մեր ռեգիոնում մահացության ամենաբարձր ցուցանիշը Իրանում է՝ 6091 մարդ։ Ադրբեջանում կա 1854 կորոնավիրուսով հիվանդ։ Ապաքինվել է 1365-ը, մահացել՝ 25-ը։ Ի դեպ, Չինաստանը այլեւս տասնյակում չէ։ Համավարակի ողջ ընթացքում այստեղ ֆիքսվել է, ըստ պաշտոնական տվյալների՝ 82 875 դեպք, մահացությունը՝ 4633 մարդ։