Աֆրիկայի երկրներում կորոնավիրուսով վարակվածների թիվը հասել է 30 125-ի, 1365 մարդ մահացել է: Ինչպես փոխանցում է ТАСС գործակալությունը, նման տվյալներ կիրակի հրապարակել է Առողջապահության համաշխարհային կազմակերպության տարածաշրջանային ներկայացուցչությունն Աֆրիկայում:
Ամենից շատ վարակման դեպքեր են արձանագրվել Հարավաֆրիկյան Հանրապետությունում, որտեղ վարակվել է 4361 մարդ, մահացել՝ 86-ը: Մահացության ցուցանիշով առաջատարը Ալժիրն է, որտեղ 419 մարդ է մահացել, վարակվել են 3256-ը:
Եգիպտոսում մահացել է 294 մարդ, վարակվել՝ 4092-ը: Մարոկկոյում մահացել է 159 մարդ, վարակվել՝ 3889-ը, իսկ Թունիսում մահացել է 38 մարդ, վարակվել՝ 922-ը:
Մահացության և վարակման զգալ դեպքեր են գրանցվել նաև Կամերունում, Գանայում, Նիգերիայում և Կոտ դ’Իվուարում:
