Ոչ մի դատական հայց մեզ հետ չի կանգնեցնելու ոլորտը մաքրելուց:
2018 մայիսի 12-ից զբաղեցնում եմ առողջապահության նախարարի պաշտոնը: Բոլորս էլ լավ գիտենք, թե ինչ վիճակում էր գտնվում առողջապահության ոլորտը, և ես քաջ գիտակցում էի, որ կոռումպացված համակարգը պետք է քանդվեր` այլապես հնարավոր չէին լինի դրական փոփոխությունները: Առողջապահության ոլորտի զարգացմանը զուգահեռ սկսեցինք ուսումնասիրություններ տարբեր բուժհաստատություններում, որտեղ բազմաթիվ չարաշահումներ հայտնաբերվեցին:
Ինչքան առողջապահության մեջ կոռուպցիայի դեմ ավելի խորն ենք պայքարում, այնքան իմ դեմ դատական հայցերը շատանում են: Եվ դա շատ լավ է` նշանակում է ճիշտ տեղին ենք խփում:
Սակայն, ոչ մի դատական հայց մեզ ոչ մի րոպե հետ չի կանգնեցնելու համակարգը մաքրելուց, դա անելու ենք մինչև վերջ, քանի որ մեր քաղաքացիները պետք է ի վերջո ստանան լավագույն բուժօգնությունը, իսկ բուժաշխատողները ունենան արժանապատիվ աշխատանքային պայմաններ:
Ի դեպ լավ էլ ակումբ է ձևավորվել ինձ դատի տվողների, Սերժ Սարգսյանի խնամի` Արա Մինասյան, Արմեն Մուրադյան:
Գրառումը կարդացեք նաև՝ https://www.facebook.com/336154206570851/posts/1025497434303188/
Medmedia -ն փորձեց հավելյալ պարզաբանում ստանալ Առողջապահության նախարարության մամուլի խոսնակ Ալինա Նիկողոսյանից, թե արդյոք ինչ կապ ունի ԵՊԲՀ-ն առողջապահության ոլորտի հետ: Խոսնակը պատասխանեց, որ նախարարն իր էջում ինչ որ պետք է գրել է:
