Ախուրյանի բժշկական կենտրոնում կորոնավիրուսով վարակվածության ենթադրելի կասակածներ են եղել բուժկենտրոնի փոխտնօրենի մոտ: Վերջինիս հոր և մոր մոտ, ովքեր աշխատել են Կարբիի պոլիկլինիկայում, հայտնաբերվել է կորոնավիրուս:
ԲԿ-ի աշխատակիցը մեզ հետ զրույցում հայտնեց, որ փոխտնօրենին թեսթավորել են, պատասխանը եղել է բացասական և բնականոն ձևով աշխատանքի է հաճախում:
«Փոխտնօրենի հայրն ու մայրը ապրում են Աշտարակում, իսկ փոխտնօրենը Գյումրիում, իրար հետ շփում չեն ունեցել», — պարզաբանեց նա:
Աշխատակիցը հայտնեց նաև, որ Ախուրյան համայնքում կան երեք կոնտակտավոր անձինք, ում մեկուսացրել են, և երկու հոգի էլ գտնվում են վերահսկողության տակ: Համայնքում վարկվածների թվի մասին հրաժարվեց տեղեկություն հայտնել: Իսկ ինչ վեչաբերում է շրջանառվող լուրերին, թե բժշկական կենտրոնը փակում են, ԲԿ-ի աշխատակիցը հավելեց, որ նման բան չկա:
