Շատերն են սիրում կծու մթերքներ օգտագործել, բայց դրա օգտակար հատկությունների մասին քչերը գիտեն։ Կծուն մի շարք առավելություններ ու օգտակար հատկություններ ունի։
Ըստ հետազոտությունների կծու մթերքը 14%-ով կարող է նվազեցնել մահվան հավանականությունը միջին տարիքում։
Վատ տրամադրության դեմ կարող է պայքարել ոչ միայն շոկոլադը այլև կծու մթերքները։ Այդ մթերքները ուժեղ ազդակներ են ուղարկում ուղեղին՝ստիպելով ամրապնդել սերոտոնին հորմոնը։ Այն օգնում է նաև հաղթահարել դեպրեսիան,անհանգստությունը, սթրեսը և հոգնածությունը։
Կծու մթերքները կօգնեն նաև այն մարդկանց ովքեր ցանկանում են նիհարել, այն ամրապնդում է անոթները, նպաստում է ավելորդ կիլոգրամների նվազմանն ու բարելավում է մարսողությունը։ Ոչ պակաս կարևոր է նաև այն հանգամանքը որ կծու մթերքները նվազեցնում են քաղցր ուտելու ցանկությունը։
Կծու համեմունքները կարող են օգնել կարգավորել խոլեստիրինի մակարդակը և լավացնել արյան շրջանառությունը։ Կարմիր պղպեղը հարուստ է հակաօքսիդանտներով, որոնք կարևոր են ոչ միայն սրտի այլև ամբողջ օրգանիզմի առողջության համար։
Մասնագետի կարծիքով՝ կծու համեմունքները հարկավոր է ամեն օր ավելացնել ուտեստներին, քանի որ ցանկացած համեմունք խթանում է ստամոքսահյութի արտադրությունը, ինչն էլ բարելավում է արյան հոսքը դեպի ստամոքսի պատերը, օգնում է վերականգնել օրգանի լորձաթաղանթն ու բարելավում է մարսողությունը։
