Ցանկացած մարդ ունենում է գլխացավ։ Դա անխուսափելի է։ Գլխացավի պատճառ կարող է դառնալ սննդակարգը, քանի որ գոյություն ունեն սննդամթերքի տեսակներ, որոնց գործածությունը կարող է դառնալ ոչ միայն գլխացավի, այլև անգամ միգրենի նոպաների պատճառ։
Ստորև ներկայացնում ենք սննդամթերքի տեսակներ, որոնք կարող են գլխացավի պատճառ դառնալ։
Պանիր
Պանիրի որոշ տեսակներ՝ ռոկֆոր,պարմեզան պարունակում են թիրամին, որը ստիպում է գլխուղեղի անոթներին նեղանալ ապա կտրուկ լայնանալ։
Սուրճ
Կոֆեինը յուրահատուկ ազդեցություն է ունենում անոթների վրա,ինչն էլ կարող է սաստիկ գլխացավերի պատճառ դառնալ։
Ալկոհոլ
Ալկոհոլային խմիչքները նույնպես պարունակում են թիրամին, որն առաջացնում է միգրեն և գլխապտույտ, իսկ կարմիր գինին պարունակում է սուլֆիտներ,որոնք նույնպես կարող են գլխացավերի պատճառ դառնալ։
Կծու սնունդը
Համեմունքները պարունակում են կապսաիցին, ինչը կարող է նպաստել գլխացավի առաջացմանը։
Ապխտած մթերքներ
Երշիկեղենը պարունակում է մեծ քանակությամբ սննդային պահածոյացնող նյութեր, որոնք կիրառվում են մթերքի համի և գույնի պահպանման համար։ Սակայն մթերքի պիտանելության ժամկետը երկարացնող նյութերը գլխացավերի առաջացման ամենատարածված պատճառներից են, ուստի նման խնդիրներից խուսափելու համար խորհուրդ է տրվում հնարավորինս սահմանափակել երշիկեղենի գործածությունը։
Ընդեղեն
Ընդեղենն օգտակար է օրգանիզմի համար, բայց դրա չարաշահումը կարող է գլխացավերի պատճառ դառնալ։
