Արտերկրյա ՇՄԶ կրեդիտներ
Հիվանդանոցներում ունեցած հանդիպումների ժամանակ բուժաշխատողներն ունեին մտահոգություն, թե ինչպես են արտերկրյա վերապատրաստումների ժամանակ ստացած շարունակական մասնագիտական զարգացման (ՇՄԶ) կրեդիտները հաշվարկվում և իդենտիֆիկացվում մեր երկրում։
Հաշվի առնելով այդ հանգամանքը, Ազգային Բժշկական Պալատը պաշտոնական հարցում իրականացրեց, որին ի պատասխան ՀՀ ԱՆ Առողջապահության Ազգային Ինստիտուտից նշել են, որ ՀՀ առողջապահության նախարարի 2019թ ապրիլի 26֊ի N20-Ն հրամանի հավելված 2֊ի 1֊ին գլխի 8֊րդ կետի՝ արտերկրում ստացած ՇՄԶ կրեդիտները, որոնք շնորհվել են տվյալ երկրի կրեդիտավորման մարմնի կողմից հավաստող փաստաթղթերի առկայության դեպքում՝ ճանաչվում են 1️⃣կրեդիտը=1️⃣կրեդիտ սկզբունքով։
Բնակչության բժշկական օգնության և սպասարկման մասին ՀՀ օրենքի համաձայն բուժաշխատողի հավաստագրման պարտադիր նախապայմաններն են վերոնշյալ օրենքով նվազագույն ՇՄԶ կրեդիտների առկայությունն ու վերջին 5 տարիների ընթացքում առնվազն 3 տարվա մասնագիտական աշխատանքային ստաժ ունենալը։
Հարգանքով Ազգային Բժշկական Պալատի աշխատակազմ։