ԱՀԿ-ն դեռևս շաբաթներ առաջ նախազգուշացնում էր, որ դեռևս վաղ է կորոնավիրուսին հրաժեշտ տալը, աշխարհի մասշտաբով նախազգուշացնում էին, թե պատվաստումները հարկավոր է չդադարեցնել, որովհետև քովիդը նոր շտամներ է խոստանում: Սակայն,Հայաստանում կարծես կորոնավիրուսի թվերի նվազում է նշմարվում․
Հոկտեմբերի 31-ից նոյեմբերի 6-ի դրությամբ
✓ 155 նոր դեպք
✓ 1839 թեստավորում
✓ 153 առողջացած
✓ 0 մահվան դեպք
Այսպիսով, հաստատվել է կորոնավիրուսային հիվանդության ընդհանուր 445397 դեպք, որոնցից 434441 առողջացած: Փաստացի բուժում է ստանում 375 պացիենտ:
Ընդհանուր առմամբ, կորոնավիրուսի հետևանքով 8709 մահվան դեպք է արձանագրվել: Ընդհանուր կատարվել է 3230307 թեստավորում:
Չնայած թվերի նվազմանը, այդուհանդերձ, ՀՀ առողջապահության նախարարությունը տեղեկացնում է, որ պատվաստումային գործընթացը շարունակվում է․
Նոյեմբերի 6-ի դրությամբ կատարվել է 2268693 պատվաստում, որից`
✓ առաջին դեղաչափ` 1152875,
✓ 2 դեղաչափ ստացած անձինք` 1028500,
✓ բուստեր` 81498:
Այս ամենին զուգահեռ, նախարարությունը նաև հորդորում է զգոն լինել և պատվաստվել գրիպի դեմ․
Գրիպով կարող են հիվանդանալ բոլորը, բայց ռիսկի խմբում գտնվող անձինք առավել խոցելի են
Ռիսկի խմբում են` տարեցները, երեխաները, հղիները, քրոնիկ հիվանդություններ ունեցողները, բուժաշխատողները:
Ամիրյան 2 հասցեում տեղակայված շարժական կետում կատարվում է նաև գրիպի դեմ պատվաստում:
Գրիպի պատվաստանյութն առկա է առաջնային օղակի բոլոր կազմակերպություններում, շարժական պատվաստումային կետում:
Անկախ կցագրման փաստից` կարող եք ուղեկցել ձեր ծնողներին պատվաստվելու:
Հնարավո՞ր է գրիպի եվ կորոնավիրուսի դեմ պատվաստումները կատարել միաժամանակ
ՀՀ առողջապահության նախարարությունից տեղեկացնում են, որ COVID-19-ի և գրիպի պատվաստումները կարելի է զուգակցել։
Ս․ Ա․