Գանայում երեխա է մահացել Մարբուրգի վիրուսից, երեքշաբթի տեղեկացրել է ԱՀԿ-ի արտակարգ իրավիճակների արձագանքման հարցերով գլխավոր տնօրենի օգնական Իբրահիմա Սոսե Ֆոլը։
«Անցյալ շաբաթ ես նշեցի ևս երկու դեպք, որոնցից մեկն առաջին հիվանդի կինն է, մյուսը` այս հիվանդի երեխան: Երեխան, ցավոք, մահացել է, բայց կինը ողջ է և ապաքինվում է»,- ասել է նա ՄԱԿ-ի ամենշաբաթյա ճեպազրույցում:
Բժիշկը նշել է, որ Գանայի առողջապահության նախարարությունը հայտնել է երեք հաստատված դեպքի մասին, և չորրորդ կասկածելի դեպքի հետագա փորձարկումը դեռ պետք է արվի:
Մարբուրգի վիրուսը մարդկանց փոխանցվում է չղջիկների միջոցով՝ անմիջական շփման և վարակված մակերեսների շփման հետևանքով: Հիվանդությունը սկսվում է սուր ընթացքով, բարձր ջերմությամբ և ուժեղ գլխացավով: