Հունիսի 1-ից զբոսաշրջիկները կկարողանան այցելել Կիպրոս՝ առանց պատվաստումների վկայականների և ՊՇՌ թեստերի: Ինչպես ուրբաթ օրը հաղորդել է Cyprus Mail թերթը, որոշումն ուժի մեջ է մտնում հունիսի 1-ից:
Նշվում է, որ հունիսի 1-ից բոլոր ճանապարհորդներից, անկախ իրենց ծագման երկրից, այլևս չի պահանջվի պատվաստումների վավեր վկայական, հիվանդության վկայագիր, ՊՇՌ թեստի արդյունքներ կամ արագ հակագենային թեստի պատասխան ներկայացնել: Սահմանափակումները հանվում են ինչպես երկրի օդանավակայաններում, այնպես էլ նավահանգիստներում։
Նման որոշման կայացման պատճառը համաճարակային իրավիճակի բարելավումն է։
