Նորվեգիայի Արտաքին գործերի նախարարությունից հայտնում են, որ ՄԱԿ-ը հիմնադրամ կստեղծի` ամբողջ աշխարհում կորոնավիրուսների դեմ պայքարի համար, փոխանցում է «Վեստի»-ն:
«ՄԱԿ-ի կողմից հովանավորվող բազմակողմանի դոնորային հիմնադրամը կանխատեսելիություն կապահովի մեր գործընկերների համար եւ կօգնի ավելի արդյունավետ դարձնել այդ ջանքերը»,- նշվում է Նորվեգիայի արտգործնախարար Ինե Էրիքսեն Սորեյդեի հայտարարության մեջ:
Հիմնադրամի նպատակն է օգնել թույլ առողջական համակարգ ունեցող զարգացող երկրներին հաղթահարել ճգնաժամը եւ համաճարակի երկարատեւ ազդեցությունը:
Հիմնադրամի մասին պաշտոնական հայտարարությունը կարող է արվել այս շաբաթվա վերջին: