Թուրքիան Ուկրաինային անվճար 410 անուն բժշկական պարագա կնվիրաբերի՝ որպես երկու երկրների բարի կամքի եւ բարեկամության նշան, հայտնում է Անատոլիական գործակալությունը։
Գործակալության տվյալներով՝ նախագահ Թայիփ Էրդողանի ստորագրությամբ համապատասխան փաստաթուղթը հրապարակվել է հանրապետության կառավարության պաշտոնական տեղեկագրում՝ Resmi Gazete-ում։
Անկարան եւ Կիեւը 2022 թվականի մարտի 28-ին միջկառավարական համաձայնագիր էին ստորագրել՝ Ուկրաինային բժշկական պարագաների եւ դեղամիջոցների անվճար փոխանցման մասին։ Ուկրաինական կողմն իրավունք չունի առանց Թուրքիայի թույլտվության այդ ապրանքները երրորդ երկրի փոխանցել։