Վրաստանում կորոնավիրուսով վարակվածների թիվը հասել է 43-ի: Արձանագրվաած 40 դեպերին այսօր ավելացել է ևս 3 դեպք: Այդ մասին տեղեկությունը հրապարակված է Վրաստանի կառավարության կողմից ստեղծված հատուկ կայքէջում:
Աղբյուրի համաձայն՝ պաշտոնապես գրանցված կորոնավիրուսով վարակվածներից մեկն առողջացել և դուրս է գրվել: Կարանտինի ռեժիմում է մնում 1 575 մարդ, ստացիոնար հսկողության տակ՝ 275-ը:
Վրաստանի Ներքին գործերի նախարարությունը, միջգերատեսչական համակարգման խորհրդի որոշումները և առաջարկությունները իրականացնելու համար, շարունակում է աշխատել 24-ժամյա արտակարգ ռեժիմով: Ինքնամեկուսացման կարգը խախտելու պատճառով Վրաստանի տարբեր շրջաններից մեկուսացվել է 141 մարդ:
«Այս պահին ինքնամեկուսացման կանոնների խախտման համար ընդհանուր առմամբ 141 մարդ բռնի կերպով ուղարկվել է կարանտինային գոտիներ»,- ասվում է կառավարության հրապարակած տեղեկատվության մեջ: