Քեյսի համալսարանի բժշկական դպրոցի մասնագետները պատմել են 5 տարեկանից ցածր երեխաների մոտ օմիկրոն եւ դելտա շտամներով հարուցված COVID-19-ի ընթացքի մասին։ JAMA Pediatrics ամսագրում հրապարակված ուսումնասիրության ընթացքում մասնագետները վերլուծել են ավելի քան 651 000 ամերիկացի երեխաների տվյալները 2021-2022թթ․։
Պարզվել է, որ օմիկրոնը 6-8 անգամ ավելի վարակիչ է, քան դելտա շտամը։ Այնուամենայնիվ, օմիկրոնով հոսպիտալացման հավանականությունը 16 տոկոսով ավելի քիչ է եղել, իսկ ԹԱՕ սարքին միացման անհրաժեշտության ռիսկը նույնպես նվազել է 85 տոկոսով։
Գիտնականների կարծիքով՝ երեխաների մոտ օմիկրոնով վարակվելու հավանականությունը շատ ավելի մեծ է, քան դելտայով, սակայն այս տարբերակով հիվանդության ծանր ընթացքի հավանականությունը զգալիորեն նվազում է։
Աղբյուրը` Med.news.am
