Դպրոցներում ցուցադրվել է պատվաստումը գովազդող ֆիլմաշար։ Այս մասին տեղեկանում ենք Ազատ Կամք նախաձեռնության ֆեյսբուքյան էջից։
21.02.2022-13.03.2022թթ. ժամանակահատվածում դպրոցներում ցուցադրվել է կորոնավիրուսային հիվանդության վերաբերյալ ֆիլմաշար, որտեղ երեխաների շրջանում անթաքույց գովազդվում է Քովիդի դեմ պատվաստվելը:
Ֆիլմաշարը նկարահանվել է ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի և թույլատրվել ցուցադրության ԿԳՄՍ նախարարության կողմից, որը շրջաբերականներ է ուղարկել Երևանի քաղաքապետարան և բոլոր մարզպետարաններ՝ հորդորելով ապահովել ֆիլմաշարի ցուցադրությունը բոլոր դասարանների սովորողների շրջանում:
Դրական կարծիք է տվել «Կրթության զարգացման և նորարարությունների ազգային կենտրոն» հիմնադրամը, որով ֆիլմաշարի ցուցադրումը երաշխավորվել է հանրակրթական դպրոցներում: Կարծիքի մեջ նշվում է, թե իբր. «Չճշտված տեղեկություններն ու սենսացիոն լուրերն ավելի շուտ են դառնում քննարկման նյութ, ծնում են իրականությունից և գիտականությունից չափազանց հեռու տրամադրություններ, ինչն էլ խաթարում է պատվաստման գործընթացն ու վտանգում է մարդկանց առողջությունը»:
Սա փաստարեն ինքնախոստովանություն է, որ ֆիլմերի ցուցադրման գլխավոր նպատակը վախ սերմանելու միջոցով (կիրառվում են «զոմբի» բջիջներ և այլ հասկացություններ), մարդկանց, իսկ այս դեպքում, երեխաներին պատվաստման դրդելն է:
Հատկանշական է, որ տեսահոլովակների որոշ բաղադրիչներ պատրաստվել են ԱՄՆ միջազգային հանրապետական ինստիտուտի խորհրդատվությամբ, իսկ ֆիլմաշարում ներկայացվող տեղեկատվությունը մշակվել է Առողջապահության նախարարության խորհրդատվությամբ:
Ամենազավեշտալին այն է, որ ֆիլմաշարի «Պատվաստում. միակ ելք» մանիպուլյացիոն անվանմամբ երրորդ ֆիլմում ներկայացվում են ակնհայտ ❗️կեղծ ❗️տեղեկություններ, մասնավորապես.
1️⃣ «Հայաստանում առկա բոլոր պատվաստանյութերը հաջողությամբ կատարում են իրենց գլխավոր խնդիրը՝ պաշտպանում են վերակենդանացման բաժանմունքում հայտնվելուց, արհեստական շնչառական սարքին միացվելուց։
2️⃣ Այդ պատվաստանյութերը հաստատված են միջազգային կառույցների և առաջատար ինստիտուտների կողմից։ Անցել են անհրաժեշտ բոլոր փորձարկումները։
3️⃣ Եթե դուք վախենում եք ինչ որ չեղած կողմնակի ազդեցություններից, որոնք ձեզ մոտ կարող են ի հայտ գալ ասենք 150 տարի հետո, ապա ընտրեք ապաակտիվացված պատվաստանյութերը:
4️⃣ Բանն այն է, որ եղած պատվաստանյութերը թեև ավելի ցածր արդյունավետությամբ, սակայն միանշանակ պաշտպանում են նոր շտամներից:
5️⃣ Որ պատվաստանյութն էլ ընտրեք, արդյունքը երաշխավորված է:
6️⃣ Դրանք բացառում են ցավալի, անդառնալի դեպքերը:
7️⃣ Պատվաստված լինելով դուք կամ ընդհանրապես չեք վարակվի այդ չարաբաստիկ վիրուսով, կամ վարակվելու դեպքում հիվանդությունը կտանեք թեթև:
Այս ԱՊԱՏԵՂԵԿԱՏՎՈւԹՅՈւՆԸ հեշտությամբ հերքվում է հենց ԱՆ հրամանով հաստատված բուժաշխատողների համար ուղեցույցով (կցված է)։
Որպես ամփոփում, ֆիլմում քարոզվում է պատվաստվել և համոզել իրենց հարազատներին նույնպես պատվաստվել:
❗️Ուշագրավ է, որ ԿԳՄՍ նախարարությունը տվյալներ չունի, թե ֆիլմաշարը որ դպրոցներում է ցուցադրվել:
❗️Ակնհայտ է, որ երեխան կարող է պատվաստվել միայն ծնողների կամ օրինական ներկայացուցիչների գրավոր համաձայնության ներկայացման դեպքում:
⁉️ Այդ դեպքում հարց է առաջանում, թե ինչու՞ է երեխաներին կեղծիքով մոլորեցնելով գովազդվում «Քովիդ պատվաստանյութերի» անվան տակ փորձնական պրեպարատների ներարկումը: