Այսօր՝ մարտի 4-ին, Առողջապահության նախարարությունից հայտնում են նոր նախագծի մասին, ըստ որի հանրային սննդի օբյեկտներում սեղաննների վրա կարգելվի աղաման դնելը: Հանրային սննդի օբյեկտներում սեղանի վրա, առանց սպառողի պահանջի, աղաման դնելու համար պատասխանատվություն կսահմանվի՝ 30 հազար դրամ տուգանք:
«Ժողովուրդ» օրաթերթի փոխանցմամբ՝ ՀՀ առողջապահության նախարարությունն առաջարկում է «Առևտրի և ծառայությունների մասին» ՀՀ օրենքում և «Վարչական իրավախախտումների մասին» օրենսգրքում լրացումներ կատարել: Ըստ ԱՀԿ-ի՝ կերակրի աղի քանակը չպետք է գերազանցի օրական 5 գրամը, մինչդեռ Հայաստանում դրա օգտագործման ծավալը կրկնակի գերազանցում է ԱՀԿ-ի կողմից սահմանված շեմը: Հետազոտությունները վկայում են, որ աղի չարաշահումը նպաստում է սիրտանոթային համակարգի հիվանդությունների և ինսուլտների առաջացման ռիսկի բարձրացմանը:
Մի քանի ժամվա ընթացքում ամբողջ համացանցը ողողվեց օգտատերերի ծաղրով։ Բոլորին զավեշտ էր պատճառել այն, որ առավել կարևոր խնդիրների մեջ թաթախված՝ ընկել ենք աղի ետևից։ Իսկ նախագիծն էլ արդարացվում է նրանով, թե իբրև վերջինս միտված է հասարակության առողջության պահպանմանը։ Սակայն հասարակության շրջանում այն զավեշտի վերածվեց։ Թեմայի շուրջ ֆեյսբուքյան օգտատերերի հրապարակումները ներկայացնում ենք ստորև՝ առանց մեկնաբանության։
Օֆելյա Պողոսյան