Կորոնավիրուսը մուտացիաների արդյունքում կորցրել է թոքերի հյուսվածք ներթափանցելու ունակությունը, այժմ այն հիմնականում ախտահարում է վերին շնչուղիների օրգանները։ Այս մասին փետրվարի 2-ին հայտնել է Ռոսպոտրեբնադզորի ղեկավար Աննա Պոպովան։
Նրա խոսքով՝ ռուս և արտասահմանցի գիտնականները խոսում են վիրուսի մշտական փոփոխության մասին։ Կորոնավիրուսը փնտրում է մարդու մարմնին հարմարվելու լավագույն ձևը։
«Նման ամենաճիշտ ձևի, ամենաճիշտ ամինաթթուների բաղադրության որոնման մեջ վիրուսը կորցրեց ընկալիչներից մեկը, որն ապահովում էր իր տրոպիզմը կամ թոքերի հյուսվածք ներթափանցելու ունակությունը», — բացատրել է Պոպովան ՌԻԱ Նովոստիին տված հարցազրույցում:
Ներկայումս շրջանառվող Omicron շտամը չի առաջացնում COVID-19-ի ծանր ձևեր։ Այն ազդում է վերին շնչուղիների օրգանների վրա և երեխաների մոտ առաջացնում է տրախեիտ, ինչպես նաև բրոնխիտ:
Սակայն դեռ հայտնի չէ, թե վիրուսի այս տարբերակը ինչ բարդություններ կարող է առաջացնել, քանի որ այն վերջերս է հայտնվել, հավելել է Պոպովան։
Թարգմանությունը`Medmedia.am-ի
Աղբյուրը` regnum.ru